ACUBIk demanda judizialak jarriko ditu Fagorren ekarpenen auzian

Batzar informatiboak antolatu dituzte astelehenerako. Lehena, Irungo Ospitale zaharrean, 16:00etan; eta bigarrena, Donostiako Koldo Mitxelenan, 19:00etan.

ACUBI, Bidasoako kontsumitzaile eta erabiltzaileen elkarteak, Eroski eta Fagorren Kontsumobide ekarpenen gaineko batzar informatiboa egingo du astelehenean, otsailaren 3an, 16:00etan eta 19:00etan. Lehenengo batzar informatiboa, Urdanibia plazan dagoen Irungo Ospitale zaharrean egingo dute, eta bigarrena, Donostiako Koldo Mitxelena kultur-gunean. Bertan Koldo Nabaskuesek, EKA/OCUVko presidenteak eta Iñaki Velascok, EKA/OCUVko zuzenbide bulegoko arduradunak hitz egingo dute.

Eroskiko ekarpenen kasuan, EKA/OCUV erakundeak, uko egin zion Eroskik planteaturiko konponbideari, ekarpenen %30a galtzea suposatzen baitzuen, eta proposamen hobe baten esperoan daude. EKA/OCUVetik jakinarazi dute, proposamen hori ez bada gauzatzen, epaitegian demandak aurkeztuko dituztela, Eroskiko ekarpenak saldu zituzten entitateen aurka.

Fagorren kasuan, kooperatibaren egoerak, irtenbide estrajudizialak eragozten ditu. Horregatik, EKA/OCUVek hainbat demanda aurkeztu ditu Bilboko eta Gasteizko auzitegietan, ekarpenak saldu zituzten erakunde finantzarioen aurka.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.