Bailarako puntu altuenetan elurra mara mara ari du. Arantzazun adibidez 4 bat zentimetro pilatu dira eguneko lehen ordu hauetan. Errepide sarean ez dago arazorik, hala ere, arretarekin gidatzea gomendatzen da.
Goizeko bederatzietan hasi da elurra eta Udala edo Arantzazun bi orduz ez da gelditu. Udalako Uxarte jatetxetik esan digutenez, "inguruak zuritzeko nahikoa elur bota du, baina errepidea ondo dago".
Trafiko zuzendaritzatik jakinarazitakoaren arabera, gurean ez dago arazorik, eta errepide guztiak zabalik daude. Hala ere, arretaz gidatzea komeni da.
Euskalmenten arabera, asteak aurrera egin ahala, tenperaturek behera egingo dute, hala ere, ez da euririk espero. Segurtasun sailak izotzarekin argi ibiltzeko gomendio zabaldu du.
Goiko irudian Kurtzeta goizean edurtuta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
