UDAk puntuak behar zituen derrigorrez. Sailkapeneko zulotik irteteko, eta taldearen autoestimua igotzeko behar-beharrezkoa zuen garaipena. Gorka Valleren taldeak ez zuen hutsik egin. Lehia serioa jokatuta, Aitor Perezek penaltiz sartutako gola baliatu zuten hiru puntuak lortzeko. "Partiduko lehen bost minutuetan izan ezik, guk menderatu dugu lehia, eta gol gehiago sartzeko aukerak izan ditugu. Lasaitasunerako puntuak dira", esan zigun.
"Sentsazio onak berriro"
Azken bi partiduak galdu ostean, irabazi beharra zeukan Aloñak. Bada, oñatiarrek ez zuten hutsik egin eta Vasconia menderatu zuten Axier Ugarteren golarekin. "Lan handia egin behar izan dugu, baina emaitza ikusita, oso pozik gaude. Sentsazio onak berreskuratu ditugu", zioen Andoni Azkargortak.
Bergarak galdu
Bergarak aldiz ezin izan zuen punturik lortu Getariakoren kontra. 30. minuturako jokalari bat gutxiagorekin geratu ziren Baltzategik txartel gorria ikusi ostean, eta gol aukerak izan arren, ezin izan zuten punturik lortu.
