... duela hiru bat aste herriko, Oñatiko, denda batera. Oñati Irratia zuten jarrita. Poztu nintzen.
Handik egun batzuetara, herriko dentista batengana joan nintzen, hagineko minari erremedioa jartzera. Nire ondoren sartu zen gizonak GOIENA aukeratu zuen, bere txanda heldu bitartean, irakurtzeko. Orduan ere poztu egin nintzen.
Herriko dendari eta komertzioek konfiantzazko produktu eta zerbitzuak dituzte herritarrondako, eta gure beharra dute horretan jarraitzeko. Herriko komunikabideok ere herritarron laguntzari esker egiten dugu lana eta asko pozten gara jarraitzen gaituzuelako.
Eskerrik asko eta urte berri On!