Aintzane Oiarbide batzarkide jeltzalearen esanetan Larraitz Ugarte gezurretan ari da bidesarien inguruko erabakia derrigorrez foru arau bitartez arautu behar dela esatean. Oiarbidek gaineratzen du bankuei berdin zaiela Aldundiak berme moduan bidesarietako dirua jartzea edo Aldundiak bere dirua jartzea; eta bere desadostasuna adierazi du Aldunditik planteatu duten Arkupe sistemaren inguruan.
Deskargan kamioiendako eta gainerako ibilgailuendakoa bidesaria jartzeko egin zuten proposamena berretsi du gainera batzarkide jeltzaleak, eta zehaztu du horrek ez duela eragozten gipuzkoarrentzat edo debagoiendarrentzat deskontuak egin ahal izatea.