Nerabeak eta Internet

Zertarako erabiltzen dute gure nerabeek internet? Segurua al da? Zein arrisku ager daitezke? Guraso batek baino gehiagok egingo zion galdera hori bere buruari seme-alabak ordenagailuaren aurrean jartzen direnean. Kurtzebarri eskolak antolatuta, Aretxabaletan horri buruzko hitzaldia eman zuen Ramon Barlam adituak. Barlam irakasle eta Internet adituaren arabera teknologia berrien erabilerari dagokionez, helduen eta nerabeen artean dagoen ezberdintasuna da helduak etorkin digitalak direla eta nerabeak, aldiz, jaiotzatik ezagutu dituztela teknologia berriak.