Omenaldia eta bizikleta martxa 'Kanto' askatzea eskatzeko, 25 urteren ondoren

Aramaioko eta Bergarako 'Herrira' mugimenduek Luis Mari Azkargorta 'Kanto' euskal preso aramaioarraren egoera salatu eta datozen egunotarako antolatu dituzten mobilizazioen berri emateko agerraldia egin zuten atzo Aramaion. Zapatuan, hilak 20, 'Kanto' eta bere senideak omenduko dituzte Bizente Goikoetxea plazan (13:00) eta hilaren 27rako, berriz, bizikleta martxa antolatu dute Aramaiotik Bergarara. Bizente Goikoetxea plazatik irtengo da, 16:30ean, Bergarako San Martin plazan amaitzeko. 25 kilometrokoa izango da bizkleta martxa, Azkargortak espetxean egin dituen urte bakoitzeko kilometro bat.