Emakume langileen gaineko argazki erakusketa

Ekin Emakumeak elkarteak argazki erakusketa egingo du, Atzoko eta gaurko emakumien presentzia Debagoienean izenekoa. Elkartearen 15. urteurrena dela-eta, emakumeen ekarpena bistaratu gura dute. Horretarako, emakumeak eguneroko zereginetan agertzen diren antzinako eta gaur egungo argazkien erakusketa antolatu dute, eta parte hartzera gonbidatzen dituzte herritarrak. Hala, norberak 5 argazki aurkez ditzake, Debagoieneko eta Aramaioko emakumeak eguneroko zereginetan agertzen direnak. Paperean edo formatu digitalean aurkez daitezke Ekin elkartearen bulegoan.