... baina joan den astean Mari Carmen Bakaikoaren gutuna irakurri ondoren, animatu egin gara.
Joan zen astean irakurri genuen Mari Carmenen eskertza Arrasateko Ospitaleari, eta gurean ere beharrezkoa izan dugu bertako zerbitzua erabiltzea; Mari Carmenekin eta Pacorekin ere topo egin genuen horietako batean. Goraintziak, familia guztiari.
Ospitalean oso ongi tratatu gintuzten, baita gauzak okertu zirenean etxeko zerbitzuarekin ere… Zerbitzu hori oso erosoa eta benetan beharrezkoa ikusten dudala esan beharra daukat. Gure kasuan, aita hil arte eduki genuen etxean, lasai joan zen, denok inguruan geundela, egunero bere mediku eta erizainek etxean zainduta. Orain 5 hilabete hil zen aita, baina benetan gustura joan zen, bere ohean eta familiaren ondoan. Ospitaleko auxiliar, mediku, erizain eta langile guztioi, mila-mila esker, benetan!
--------------------
Junkal Bakaikoa
(Tomas Bakaikoa Sotilen familia)
Antzuola