Zentroaren helburua Espainiako ardogintza-sektorearen premiei eta erronkei buruzko hausnarketa egitea izango da, eta Adituen Batzordearen aholkularitza izango du dagozkion estrategiak eta jarduerak garatzeko.
Basque Culinary Fundazioak ardoaren munduko bere proiektu izarra sustatu nahi izan du diziplina askotariko Adituen Batzordearen bidez. Honela, sektorearen etorkizuna aztertu, haren premiei aurre hartu eta Ardoaren Institutuak garatu beharreko jarduerak identifikatu ahal izango dituzten pertsonekin indartu nahi izan du proiektua.
Joxe Mari Aizeagak, Basque Culinary Center Fundazioko zuzendariak, azpimarratu duen moduan, “etorkizuneko Ardoaren Institutua mundura irekitako proiektu bat izango da, eta haren bidez, ardoaren munduko profesional nahiz ezaguera berriak sortuko dira”.
Adituak
Adituen Batzordeak etorkizuneko Institutuak garatuko dituen estrategien eta jardueren inguruko aholkularitza ematea izango du helburu, baita proiektuaren nazioarteko proiekzioa lortzea ere, prestakuntzaren, ikerkuntzaren eta berrikuntzaren arloetan.
Sektore garrantzitsua
Espainia munduko ardo-ekoizle garrantzitsuenetako bat da: rankingean lehenengoa da landatutako azalerari dagokionez. Hirugarrena ekoizpenari dagokionez eta bigarrena mundura esportatzen duen bolumenari dagokionez.