Intentsitate handiko derbia jokatu zuten atzo Antzuolak eta Aloña Mendik Estala futbol zelaian. Oñatiarrak jarri ziren aurretik Mikel Urkiaren falta jaurtiketa bati esker (0-1), baina etxekoek partiduari buelta ematea lortu zuten, Estalan jokatzen adituak direla erakutsiz. Baloia buruz eramaten eta bigarren baloiak harrapatzen trebeak dira Juanina Garairen mutilak. Eta ez hori bakarrik: hegaleko sakeak zein korner eta falta jaurtiketak ezin hobeto ateratzen dituzte, eta horrek arriskua esan gura du aurkariaren arean.
Antzuolaren golak Aranak, Ibabek eta Zubikaraik egin zituzten; azken horrena sekulakoa izan zen, ia erdi kanpotik egin zuen gola. Amaieran, merezitako hiru puntu Antzuolarendako (3-1).
Kronika osoa eta protagonisten iritziak, asteleheneko Goiena paperean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.