Protesta agerraldia eta gaztaina-jana egingo dute bihar Ordaindukoek

Ostegunero bezalaxe Ordaindu plataformako kideek elkarretaratzea egingo dute bihar, eguena, Arrasateko Biteri plazan, 18:00etatik 19:00ak bitartean. "Gure asmoa Fagor Etxetresnetako eta Mondragon Korporazioko zuzendaritzari presioa egitea da, aurreztaile bezala kooperatibaren esku utzi genituen produktuak itzuli ditzaten fondo bat sortu dezaten". Protesta egiteaz gain, gaztaina-jan txiki bat egingo dute eta kaltetu guztiei egin diete dei parte hartu dezaten.

Horrez gainera, instituzio alorrean Ordaindutik aditzera eman dutenez, datozen egunetan Fagor Etxetresnetako Errektore Kontseiluko presidentearekin, Fagorreko Kontseilu Orokorrarekin eta Konsumobiderekin kontaktuan ipiniko dira.

"Gainera, gure asmoa elkartea legalizatzea da gure dirua eskuratzeko eta kalean geratu den jendearen egoera dramatikoari irtenbidea emateko. Beraien egoeraren jakitun gara. Elkarte batetan lan egitea gure eskaerak lortzen lagunduko digu, baina orokorrean, modu bateratu, solidario eta kooperatibo baten lan egiten ikasteko balioko digu".

Eta gogora ekarri gura dute Ordaindurekin kontaktuan ipini gura duten guztiek ordaindu123@gmail.com helbidera euren izen-abizenak, telefono zenbakia eta helbide elektronikoa bidali behar dutela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.