"15-20 bat lagun gabiltza atzo ezkero; arratsaldean beste horrenbestek jardungo dugu lanean. Oso lanpetuta gabiltza, baina denbora da behar duguna, ez boluntario gehiago. Gaudenekin ondo moldatuko gara. Badaukagu nahikoa lagun. Kontua da orain arte Arrasateko Hiper Eroskin bakarrik batu ditugula elikagaiak, eta aurten, berriz, askoz ere leku gehiagotan; horrexegatik gabiltza gainezka", azpimarratu du Jose Antonio Agirrebeñak, Bergarako Elikagaien Bankuko arduradunak.
3.100 laguni
Batutakoaren gainean, berriz, herritarrek "denetik" eman dutela esan du, eta batutako horrekin ekainera arte irauteko beharra dutela ere bai. "Beste kanpaina bat egitekotan ekainean egingo dugu, beraz, ordura arte eutsi beharko diogu".
Gaur egun 3.100 laguni ematen diete elikagaiak Bergarako Elikagai Bankukoek. "Oiartzungoak, berriz, 20.000 lagun pasari. Inguru hartako ezaugarriak bestelakoa dira-eta…", dio Agirrebeñak.