Fagor Etxetresnak ixtearen eraginaren isla izan daitezke azken bi hilabeteotako datuak, neurri baten behintzat. Dena dela, bazkide kooperatibistek normalean ez dute Lanbideren bulegoetan lan eskatzaile gisa izena ematen, eta Fagor Etxetresnen kasuan, Mondragon Korporazioaren birkokatze planetan sartuta daude bazkideak. Baina kooperatibetako aldi baterako langileak, azpikontratatutako zerbitzu askotako langileak eta Fagor Etxetresnetako hornitzaile ziren enpresa merkantiletako langileak Gizarte Segurantzako erregimen orokorrean egoten dira eta litekeena da horietako batzuk egotea urrian eta azaroan izena eman duten lan-eskatzaile berri horien artean.
Izan ere, Arrasate da langabezia hazi den herrietako bat: 1.596 langabetik 1.619ra pasa da (+0,23 puntu). Langabezia datu handiagoa ematen du Espainiako Enplegu Zerbitzu Publikoak Aretxabaletan -351 langabe (+5), %10,38 (+0,15), Eskoriatzan -249 langabe (+8), %12,22 (+0,24)-, Leintz Gatzagan -11 langabe (+1)- eta Oñatin -504 langabe (+5), %9,60 (+0,09).
Langabe gutxiagorekin bukatu da azaroa Antzuolan -106 langabe (-2), %,972 (-0,18)- eta Bergaran -910 langabe (-17), %12,98 (-0,24).
Irailetik handitzen ari da langabezia datua Debagoienean. Irailean 3.707 langabe zeuden (%,12,44).
Hego Euskal Herrian, 3.211 gutxiago
Gipuzkoa, Araba, Bizkaia eta Nafarroan 225.978 langabe zeuden enplegu zerbitzu publikoan izena emanda azaro bukaeran, irailean baino 3.211 gutxiago. anik gabe iragan hilabetearen amaieran.