Gaur, azaroak 27, 100 urte dira Inazio Eizmendi Manterola Basarri bertsolari ezaguna jaio zela. Zarauztarra sortzez, ekitaldi bat baino gehiago antolatu dituzte han urteurrenaren harira.
Ekitaldietako bat da Arantzazu poema sinfonikoa. Basarri-k Arantzazun pasatzen zituen 15 bat opor egun urtero urtero eta horri lotuta dator kontzertu hau.
Azaroaren 15ean Zarautzen abestu zuten, eta zapatuan Arantzazun egingo dute kontzertu bera. Parte hartuko dute: Oñati abesbatzak, Zarautz abesbatzak, Zarauzko Gabota dantza taldeak, Zarauzko musika bandak eta Amaia Azpiazu soprano oñatiarrak, besteak beste.
Sarrerak salgai
Kontzertua zapatuan izango da, 18:00etan. Sarrerak dagoeneko salgai daude Portu eta Izarraitz tabernetan. Egunean bertan Arantzazun ere jarriko dituzte salgai sarrerak kontzertu hasi baino ordubete lehenago.