%2016.03.44.png)
Labur esanda, beraz, Ordainduko ordezkariek euren egoeraren berri emango diete gaur legebiltzarkideei, Fagor Etxetresnetan merkataritzako maileguak eta ekarpen boluntarioak dituztenen egoera, hain zuzen ere. "Azaldu behar diegu ze produktu daukagun, gu aurreratzaileak garela, gure egoera ez dela bazkide soilena… izan ere, guk Fagorren sartuta daukaguna diru pribatua da. Enpresarekiko hitzarmen baten arabera sartutakoa. Guk guri ezarritako baldintzak bete egin ditugu, eta eurek ez. Adibidez, baldintzetako bat da borondatezko ekarpena eskatuz gero, hilabetean bueltatu egin behar zituztela, eta hori ez dute bete", jakinarazi du Mikel Olabek, Ordaindu Plataformako ordezkariak.
Ordainduko ordezkariek Legebiltzarrean hau guzti hau azaltzen duten bitartean, haiek babestera doazen gainontzeko kideek agerraldia egingo dute Legebiltzarraren kanpoko aldean, 16:00etatik 17:30ak bitartean.
Mondragon Taldeko presidentearekin
Bestalde, iragarri dute bihar Txema Gisasolarekin, Mondragon Taldeko Kontseilu Orokorreko presidentearekin batzartu behar direla, 16:00etan. “Exijituko diogun gauzetako bat da fondoa sortzea. Baina hortik aurrera, gu gertu gaude edozein irtenbide imaginatibo onartzeko”, adierazi du Mikel Olabek.
Eta horrekin guztiarekin batera, Olabek gogora ekarri du eguenero moduan, etzi elkarretaratzea egingo dutela, Garibain, 18:00etatik 19:00ak bitartean.