Gaurko elkarretaratzean, adierazi dutenez hurrengo martitzenean Eusko Legebiltzarrera joango dira, Ekonomia eta Lehiakortasun Sailera, euren egoeraren berri ematera.
Batzar horrez gainera, beste bat ere hitzartu dute. Kasu honetan, Mondragon Taldeko presidente den Txema Gisasolarekin. Baina, bilera honen eguna oraindik ere ez dute zehaztu. Hasiera batean, martitzenean egitekoa zen bilera hau, baina, ikusita Ordaindukoak Gasteizera doazeka, beste egun baterako utzi dute.
Bestalde, Mikel Olabe Ordainduko ordezkariak adierazi duenez, Arantza Tapia (Ekonomiaren Garapen eta Lehiakortasun sailburua) eta Juan Maria Aburtorekin (Enplegu eta Gizarte Politiketako sailburua) ere batzartu direla. Mikel Olabek zera azaltzen: "Bi eskaera egiteko: batetik, eta kontuan hartuta Eusko Jaurlartza bera hartzekoduna dela, eskatu diogu likidadorearen aurrean gure izenean ere berba egiteko. Likidadorea da erabakitzen duena zorrak kobratzerako orduan zeinek izango duen lehentasuna. Eta bestetik, eskatu diogu MCCri eska diezaion guri ordaintzeko fondo bat sor dezatela".
Ordainduko ordezkariak esandakoaren arabera, 88 milioi euro lituzkete hartzeko plataforma hori osatzen dutenek. Beraien ustetan 800-1.000 pertsona egon daitezkela kaltetuta.