Garitanok esan zuenez, Foru Aldundiak aldatu egin beharko ditu aurtengo aurrekontuak, Fagor Etxetresnak martxan ez egoteak izango duen eragin ekonomikoari aurre egiteko. Zehazki, industria-sustapenerako, enplegua sustatzeko eta gizarte laguntzarako zehaztutako diru-partidetan eragingo du.
"Berriz kalkulatu" ahal izateko aurrekontu proiektua, Garitanok laguntza eskatu zien EAJ, PSE eta PPri eta ekarpenak egiteko eskatu zien. "Gipuzkoak aurrekontua behar du datozen urteotarako", esan zuen.
Foru Ogasunarekin 16 milioiko zorra utzi dute Etxetresnek. Garitanok esan zuenez, Fagor Etxetresnek garaiz ordaintzen zion bere zorraren kitapena Foru Ogasunari, hainbat aldiz zor hori handitu eta gero. Hala, joan den legealdian 42 milioi euro zor zituen.