Azaroaren 22an bukatuko denez, 65 urtetik gorako edo arrisku talderen batean daudenak hitzordua hartzera pasa daitezke. Oraindik txertoa hartu ez duten pertsonek ere aukera dutela gogorarazi du Debagoieneko ESIk. Betiere, hitzordua hartzeko osasun zentrotik pasa beharko da.
Deialdia jarraian azaltzen diren arrisku taldeei zuzenduta dago:
- 65 urtetik gorakoak.
- Gaixotasun kronikoren bat duten 65 urtetik beherakoak.
- Haurdun daudenak.
- Hegazti-granjetako langileak.
- Osasuneko profesionalak eta profesional soziosanitarioak.
Txertaketaren garrantzia
Osakidetzaren eta Debagoieneko ESIren helburua txertaketaren hedadura aipatutako arrisku taldeetan oso handia izatea da. Gripearen birusaren kutsadura ekiditea guztion erantzukizuna dela nabarmentzen du Debagoieneko ESIk.