UEMAk, Udalerri Euskaldunen Mankomunkomunitateak, eta Garabide elkarteak, lankidetza linguistiko eta identitarioaz lan egiten duen elkarteak, elkarlanerako hitzarmena sinatu dute gaur Bergaran.
Bi erakundeetako ordezkariek azaldu dute Euskal Herriak baduela zer ikasi hizkuntza gutxituetako herriengandik, eta alderantziz, eurek ere badute Euskal Herritik zer ikasi, beraz, zubi bat eraikitzea da asmoa sinatutako hitzarmenarekin, elkarri laguntzeko eta bidelagun izateko.
Andoni Barreña Garabide elkarteko kideak eta Maren Belastegi UEMAko lehendakariak sinatu dute hitzarmena eta hitzarmen horren garrantzia azpimarratu dute biek.
Amaitzeko, Garabideko Barreñak gaineratu du herri gutxituetakoek laguntza eskatzen dietela hemengo esperientzia ezagutu nahi dutelako eta dei egin die Udalei, eta batez ere UEMA osatzen duten Udalei, hemendik aurrera lankidetza kualitatibo bat praktikatzeko hizkuntzak biziberritzen jarrai dezaten.