Datorren martitzenean, bermea emateko foru arau bat onartuko du Bizkaiko diputatuen kontseiluak, eta gero Batzar Nagusiek berretsi beharko dute. Bilbao diputatuaren esanetan, Edesaren itxiera saihestea da helburua, eta bideragarritasun plan bat eskatu du "lantegiaren etorkizuna bermatzeko". Asmoa da gaur bertan ateratzea Edesa hartzekodunen aurre-konkurtsotik eta ahalik eta azkarren lantegiko ateak irekitzea berriz.
Pozik hartu dute albistea Edesako langileek, baina zuhurtziaz; eta aldi berean, kezkatuta eta triste jarraitzen dute taldeko gainontzeko langileengatik. Aste hasieran abiarazitako itxialdiarekin jarraitu egiten dute, momentuz.
Bizkaiko Foru Aldundiak hartutako erabakiaren harira, EAJ-k Gipuzkoako Diputazioari eskatu dio "Azpeitiko Grumal salbatzeko ahaleginak egiteko".