Duela urtebete Foru Aldundiak, Gipuzkoako 36 udalek eta Urola Kostako Mankomunitateak kontratazioetan hizkuntza baldintzak adostu eta bateratu egin zituzten. Egun, probintziako 88 udaletatik 60k aplikatzen dituzte arauok eta, hori horrela, Espainiako Gobernuaren Ordezkariak hamar udali aurkeztu die auzi-errekurtsoa: Getaria, Albiztur, Azkoitia, Errezil, Zarautz, Elgoibar, Zestoa, Zumaia, Anoeta eta Lezo.
Gipuzkoako Batzar Nagusietatik babesa jaso dute udalerriok, "administrazioaren eskubidea eta egitekoa" dela baitio "administrazio kontratuetan hizkuntza irizpideak ezartzea".
