Ultratrailen egutegian lortzen ari den oihartzuna kontuan hartuta, Ehun Miliak probak izena emateko epea irekiko du azaroaren 7an. Aurreko urteetan bezala, aurten ere izen-ematea internet bidez bakarrik egin ahal izango da, lasterketaren web ofizialean: www.ehunmilak.com.
Maila honetako mendiko proben eta kirol honetako zaleen artean lortu duen izena eta ospea ikusirik, beste urtebetez jarraituko du estatuko eta nazioarteko ultratrailen egutegian. Dagoeneko, beraz, eta hemendik aurrera antolatzaileen lantaldea bosgarrenari begira jarrita, hobekuntzak egiten hasi da. Antolatzaileen arabera, datozen aste eta hilabeteetan aditzera emango dira honen inguruko berri gehiago. Ehun Miliek aurreko lau urteetan lortu duen onespena eta gorazarrea indartzen jarraitzea da helburua.
Honakoak dira izen emate kostuak
2013/11/07tik - 2014/02/10ra: Ehun Miliak, 130 euro eta G2h, 80 euro.
2014/02/11tik - 2014/04/01ra: Ehun Miliak, 145 euro eta G2h, 95 euro.
2014/04/02tik - 2014/06/03ra: Ehun Miliak, 165 euro eta G2h, 95 euro.
Izen-ematea baliogabetzeko bermea
Korrikalariek izena ematen duten unean, baliogabetze berme batera harpidetu ahal izango dira; horretarako, pertsonako hamar euro ordainduta. Zenbateko hori izen-ematearen kostuari gehituko zaio. Berme hori, lasterketa eguna baino 30 egun lehenago arte erabili ahal izango da.
Datu esanguratsuak:
- Ehun Miliak proba: 168 km eta 11.000 metroko desnibel positiboak.
- G2h proba: hasi berri direnentzako proba egokia da. 88 kilometroko ibilbidea eta 6.000 metroko desnibel positiboa ditu.
- Penintsulan, bi parke natural babestu zeharkatzen dituen proba bakarrenetarikoa da, Aralarko parke naturala eta Aizkorri Aratz parke naturala; Gipuzkoako bi tontor adierazgarrienak zapaltzen ditu: Txindoki (1.346m) eta Aizkorri (1.528m).
Informazio gehiagorako: www.ehunmilak.com.
Facebook: www.facebook.com/ehunmilakultratrailg2h.
Harremanetarako: ehunmilakultratrail@gmail.com.
Twitter: @ehunmilakg2