Espainiako Merkataritza Ganbera Ofizialak aurten lehen aldiz banatu duen Dragón Empresarial saria jaso zuen atzo Mondragon Taldeak Pekinen. 30 urte baino gehiago daramatza herrialde horretan lanean Mondragonek eta, hain zuzen, egindako ibilbidea da saritu dutena. Mondragon International-eko presidente den Josu Ugartek jaso zuen saria. 44 unitate dauzkate Txinan, urteko salmenten fakturazioa 340 milioi dolarrekoa da eta 1.500 langile baino gehiago dituzte.
Pekingo hotel baten eginiko sari banaketan Josu Ugartek "dedikazioa" eta "kooperatiben lanerako kemena" azpimarratu zituen saria jasotzeko arrazoi moduan. Txinakoa "merkatu handi baten egindako apustu estrategikoa" dela nabarmendu zuen Ugartek eta, datutan hitz eginda, 2016rako mila miloi dolarreko salmenta kopurua gainditu gura dutela zehaztu zuen. Kopuru horietara iritsiz gero, Taldearen salmenta globalen heren bat suposatuko luke horrek.
Mondragon taldeak 44 unitate operatibo dauzka Txinan: 19 ekoizpen lantegi (horietatik 10 Mondragon Kunshan delako industrialdean, Shanghain), 19 salmenta bulego eta beste 6 erosketetarako. 1.500 langile baino gehiago ditu Mondragon Taldeak Txinan gaur egun.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
