Hala jakinarazi du konpainiak, prentsa ohar bidez. Dioenez, Fagor Mastercook S.A hartzekodunen lehiaketan sartu izanak ez du eraginik Fagor Etxetresnengan, pasa den urriaren 16an, bere borondatez hartzekodunen aurre lehiaketan sartu zenez, lehiaketa legeak babesten duelako. Kooperatibak lanean jarraitzen du, behar duen finantziazioa aurkitzeko. Albiste barruan, prentsa oharra, osorik.
"Fagor Electrodomesticosek aurkeztu du hartzekodunen lehiaketa Donostiako merkataritza-arloko epaitegian, bere filiala den Fagor Mastercook SArentzat. Konpainiak erabaki hau hornitzaileekin dituen betebeharrei aurre egiteko finantzazio gabeziak eraginda hartu du.
Poloniako filiala hartzekodunen lehiaketan sartzeak ez du eraginik Fagor Electrodomesticosengan, pasa den urriaren 16an, bere borondatez hartzekodunen aurre lehiaketan sartu zenez, lehiaketa legeak babesten duelako. Data horretatik aurrera, kooperatibak, legeak ezartzen dituen epeak mantentzen ditu, duen egoerari aurre egiteko eta berregituraketa eta jarraitze plana abian jartzeko behar duen finantziazioa aurkitzeko".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak