Etxahun Lekuek lortu zuen txartela Bertsolari Txapelketa Nagusiko finalaurrekoetarako

Etxahun Lekue larrabetzuarra izan zen garaile zapatuan Oionen egin zuten Bertsolari Txapelketa nagusiko azken kanporaketan. Lekuek, 638 punturekin lortu zuen txartela Aretxabaletan bizi den Miren Amuriza gutxigatik, 628,5 punturekin, atzean utziz.Kanporaketa berean izan ziren beste bi debagoiendar: Aretxabaletan bizi den Maddi Sarasuak bosgarren postua eskuratu zuen 579 punturekin eta Manex Agirre aramaioarra, berriz, azken postuan geratu zen 578 puntuko emaitzarekin.

Sei kanporaketak jokatu ostean, 18 bertsolari sailkatu dira finalaurrekoetarako. Saio horiek irabazita honako bertsolariak sailkatu dira: Jon Martin (Villabonako irabazlea), Agin Laburu (Markina-Xemeingo irabazlea), Julio Soto (Hendaiako irabazlea), Beñat Gaztelumendi (Altsasuko irabazlea), Igor Elortza (Legazpiko irabazlea) eta Etxahun Lekue (Oiongo irabazlea). 

Azaroaren 10ean Tolosan izango den finalaurrekoan arituko da Lekue, Unai Iturriaga, Igor Elortza, Jexux Mari Irazu, Amaia Agirre eta Iñigo Mantzizidor Mantxi bertsolariekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.