"Erabaki honekin burutzen dira, arrakastarik gabe, Mondragon Korporazioarekin, instituzio publikoekin, inbertsio-fondoekin, erakunde finantzarioekin eta sektoreko beste konpainia batzuekin izandako negoziazioak", diote hedabideetara igorritako jakinarazpenean.
Une honetatik aurrera, epaileak izendatuko duen konkurtso-administratzaileak zehaztuko du enpresak hartzekodunekin hitzarmenen bat lortzeko bideragarritasunik duen edo, aitzitik, likidazioaren bitartez konpromisoei aurre egiteko formula eta epeak zeintzuk diren.
"Bihotzez sentitzen dugu"
"Bihotzez sentitzen dugu enplegatuen, bazkideon eta hartzekodunen interesak babestuko lituzkeen jarduera produktiboarekin jarraitzeko bezainbesteko finantzaziorik eskuratu ezin izana", adierazi du kooperatibako zuzendari orokor Sergio Treviñok, "hala egin baitugu gure historiako 50 urte luzeotan, beti ere, gure enpresa-izaeraren zutabetzat hartuta geure ingurunean enplegua, aberastasuna eta garapen soziala sortzea".