Bergarako preso eta iheslarien aldeko mugimenduak jakinarazi du bertan behera utzi dutela Luis Mari Azkargorta 'Kanto' bisitatzeko azaroaren 17an Zuerako espetxera egitekoak ziren martxa. Europako Giza Eskubideen Sala Gorenak 107/2006 doktrinaren gainean eman zuen ebazpena ikusirik, 'Kanto'ri "elkartasuna eta babesa" adieraztea ziren martxaren helburuak, baina "ebazpenak Espainiako hainbat sektoretan sortu duen haserrea ikusirik eta horrek 'Kanto'ren espetxealdian eragin dezakeela-eta arduraturik", martxa bertan behera uztea erabaki dute.
Edozein kasutan, 'Kanto' "laster etxean izateko itxaropena" dutela adierazi dute, eta Estrasburgoko Giza Eskubideen Epaitegiak 197/2006 doktrinaren inguruan hartutako erabakia "egindako lanaren ondorio" dela gaineratu.
"Denbora guzti honetan 'Kanto'ren askatasuna eskatuz herritarrek egin duten ahalegina" txalotu dute, "euren elkartasunik gabe, Ines Del Rio bezala ia beste ehun euskal preso politikoren kaleratzea ekarriko duen egoera honetara iristea ezinezkoa" izango litzatekeela azalduz, "finean, 197/2006 doktrinari aurre egitea".
Amaitzeko, euren "besarkadarik beroena" bidali diete Luis Mari Azkargortari eta bere senideei, eta "laster kalean" ikusiko dutelakoan, "herriko beste euskal preso eta iheslari politikoen eskubideen alde lanean" jarraituko dutela adierazi.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak