Gaur jokatuko du Realak Old Trafford zelai mitikoan, Manchester United taldearen kontra. Halakoak ez dira eguneroko hitzorduak, eta horretaz jabetuta 6.000 realzaleren babesa izango du Arrasateren taldeak. Askok atzo egin zuten bidaia, eta beste asko gaur joango dira. Manchesterreko kaleak hasi dira txuri-urdinez janzten.
Atzo arratsaldean Manchesterreko kaleetan hasi zen Realeko zaleen presentzia igartzen. Iristeaz batera garagardo batzuk edatera joan ziren asko eta asko, eta ordukoa da argazki hau:
Realeko zaleendako bakarrik ez, jokalariendako ere partidu garrantzitsua da. Eta, partiduaren bezperan berdegunean bertan ateratako argazkia.
Sare sozialetan ere oihartzun handia izango du gaurko Realaren partiduak, eta partidua girotzen joateko lana hartu du batek baino gehiagok:
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.