Partidua hasi eta berehala aurreratu ziren zumaiarrak markagailuan (0-1). Etxekoek ez zuten halakorik espero, baina konturatu orduko atzetik ziren markagailuan. Arizmendikoak ordura arte lo zeudela zirudien. Baina 20. minutuan etorri zen erreakzioa. Maite Aranzabalek zelai erditik eginiko jaurtiketa batekin berdinketa jarri zuen markagailuan (1-). Atsedenaldira iritsi aurreko minutuan, berriz, Arizmendik gol garrantzitsua egin zuen, kontrarioa aldagelara burumakur erretiratu arazi zuena (2-1).
Hala, bigarren zatia Arizmendirendako izan zen, nahiz eta bi jokalarik min hartu zuten, taldeak ez zuen beherakadarik izan, eta hori bakarrik ez, nahiz eta kontrarioak bigarrena egin, Arizmendikoek hirugarrenez zumaiarren atea zulatzen asmatu zuten (3-2).