Bihar, zapatua, ekingo diogu Goienaren Kantari karaoke ikuskizunaren laugarren edizioari. Aretxabaletako Arkupe kultura etxean, 8-12 urte bitarteko Aretxabaleta eta Eskoriatzako 148 gaztetxok hartuko dute parte. 15:30etan hasiko dira grabazioak eta 20:15ak inguruan amaitzea aurreikusten da. Guztira, bada, sei saio grabatuko ditugu bihar. Saioak ikusi nahi dituztenek Arkupeko leihatilan jaso beharko dituzte gonbidapenak, aforoa kontrolatzeko helburuaz.
Aurten ere, Amaia Txintxurretak egingo ditu aurkezpen lanak baina oraingoan disko jartzaile lanekin bateratuko ditu; izan ere, itxura berria erakutsiko du Kantariren agertokiak. Diskoteka bat bilakatuko dute; hori horrela, agertokian zintzilikatutako kristalezko bolak eta Lanbide Heziketako ikasleek egindako saioaren logoa ikusiko ditugu.
Hurrengo grabazioak
Biharko saioen ostean, Bergarak hartuko du lekukoa; azaroaren 9an. Ondoren etorriko dira, Oñati abenduaren 14an eta Arrasate, urtarrilaren 18an.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
