Luis Ezeizako II. Futbol Txapelketa antolatu dute Eskoriatzan

Azaroaren 1eko eta 2ko asteburuan jokatuko dute Luis Ezeizako II. Futbol Txapelketa. Iazko edizioak arrakasta polita izan zuen, eta aurreikusten dute aurten ere jendea animatuko dela. Hala, azaroko lehen asteburuan izango den txapelketan jokatzeko dagoeneko zabalik dago izenemate epea (urriaren 29a izango da izena emateko azken eguna). 

Txapelketa ez dute Eskoriatzara mugatu nahi, eta inguruko herrietako taldeek zabal-zabalik izango dituzte ateak. Hala, izena eman daiteke Eskoriatzako Zarauztarra tabernan, edota Goiko lokalean (Fontaneria Sanchez, Tesa parean). Talde bakoitzak 100 euro ordaindu beharko ditu, eta jokalariek gutxienez 15 urte izan beharko dituzte. Informazio gehiago 646 942 866 edota 672 259 221 telefono zenbakietan. 

Eskoriatzan azken boladan areto futbola indartzeko lanean dabiltza. Kirol federatutik haratago –Eskoriatzak du areto futbolean ibarrean maila gorenean lehian dabilen taldea– koadrilen artean ere kirol jarduera hori sustatu nahi dute, eta hau da ekimenetako bat. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.