Aurtengo edizioan 150 lagun baino gehiagok hartu dute parte. Guztira, baina, 500 argazki baino gehiago jaso ditugu. Gustura egindako lana izan da, baina ez duzue batere erraztasunik eman; asko dira-eta saria merezi dutenak. Batzuk freskoak direlako, besteak barrea eragiten dutelako; teknika aldetik zainduta daudenak jaso ditugu, eta baita erretratua ateratzean ederto zebiltzala erakusten dutenak ere. Argazki horiek guztiek dute gurean lekua, horrenbestez, datorren urtean ere animatu!
Goiena pozik
Iazko erantzun zabalari eutsiz, bederatzigarren edizio honek erakutsi du debagoiendarren artean lehiaketa finkatu dela. Alde horretatik, oso pozik dago Goiena, parte-hartzea handia izan delako.
Urriaren 18ko egubakoitzeko Goiena paperean izango duzue irabazleak ezagutzeko aukera.