Aurtengo berrikuntza nagusiena da ibilbideko zati batzuk bidegorritik egingo dituztela. "Ikusi dugu bidegorria tarte batzuetan oso ondo dagoela, bai korrika egiteko eta baita patinetan ibiltzeko ere, eta segurtasun kontuak medio, bidegorria erabiltzeko aukera polita zela pentsatu genuen" esan zuten aurkezpenean.
Gainera, Foru Aldundiko teknikoek bidegorria garbitu dute asteon. "Patinatzaileendako ahalik eta egokien egoteko, garbitzeko eskaera egin genuen Aldundian eta onartu egin dute", esan digute antolatzaileek.
Hainbat sari
Sariei dagokienez, lehen hiru gizonezko eta emakumezko azkarrenak saritzeaz gain, lehenengo arrasatearrak eta oñatiarrak ere saria eroango dute; baita lehen neska eta mutil patinatzaileek ere.