Nere Arregi arrasatearra azkarrena Zakila Biran

Zumaian egiten duten Zakila Bira lasterketan arrasatear bat gailendu zen atzo, Nere Arregi. Hasieratik hartu zuen emakumeen lasterketako burua eta hiru minututik gorako aldearekin helmugaratu zen, Ana Maria Gonzalez (Orereta) eta Eva Esnaolaren (Hernani) aurretik. Hala, datozen asteotan bailaran korrituko diren Arrasate-Oñati edo Gaueko Tafyd Krosa moduko lasterketarako Arregi izango da erreferente garbietako bat. Gizonezkoetan Astigarragako Xabier Miguel Olasagasti izan zen onena. Baleike.com atarian egin dute kronika zabala, eta lasterketaren laburpena irudietan.