Laboral Kutxaren esanetan, hitzarmenari esker "enpresei likidezia emango zaie, nazioko nahiz, batez ere, nazioarteko salmenten kobrantza aurreratzeko moduan".
Hitzarmenaren babespean, zirkulatzaile-lerro berriak eskaintzeaz gain, orain artekoak berritu ere egingo dira. Gehienez 1.200.000 euro onartuko dira bezero bakoitzeko eta urtebete eta hiru urte bitarteko epean.
Hitzarmenaren baldintzak eskuratu nahi dituzten enpresek egunean egon beharko dute gizarte-segurantzarekin eta zerga-betebeharrekin, eta ezin izango dira egon porrotean edo etengabe dirua galtzen.
19,5 milioi banatu ditu
Oraingo astean sinatu duten hitzarmenarekin, joan den apirilean Eusko Jaurlaritzarekin sinatu zuena osatzen da. Laboral Kutxak Eusko Jaurlaritzarekin sinatu zuen hitzarmena betetzeko egin duen lana azpimarratu du: orain arte, 137 enpresari aitortu zaie finantzaketa-eskaria, eta guztira 19,5 milioi euro banatu ditu.