TOKIKOM-ek eta Euskadi Irratiak lankidetza sinatu dute

Jon Berezibar 2013ko urr. 2a, 19:47

"Euskal esparru komunikatiboa garatzeko asmoarekin", TOKIKOM euskarazko komunikabideen bateraguneak eta Euskadi Irratiak hitzarmena sinatu dute. Elkarlanan horren lehen urrats modura, Euskadi Irratiko arratsaldeetako Mezularia saioan, astelehenetan, tokiko informazioa landuko da TOKIKOM-eko hedabideetako kazetariekin.

Euskadi Irratiaren izenean Odile Kruzeta EiTBko irratietako zuzendari-koordinatzaileak eta TOKIKOM-eko  Mikel Irizar presidenteak sinatu dute lankidetza hitzarmena. Irizarrek azaldu duenez, "interes komunaren alde lankidetzan aritzeko borondatea" dute bi aldeek, "aldian aldiko formula egokienak bilatuz".

Lehen emaitza moduan, azaldu bezala, herrietako informazioa landuko da astean behin TOKIKOMeko hedabideetako kazetariekin. Mahai-inguru hori, TOKIKOM-eko irrati eta agerkari digitaletan ere zabalduko da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak