Batzarrean ordea, bestelako gaiak jorratu dituzte. Besteak beste, hemendik eta urte amaierara bitartean, Espainiako lan erreforma gure enpresetan ezar ez dadin, hainbat ekintza egingo dituzte, eta estrategia hori azaldu dute bertan.
Helburu garbi bat dute LAB sindikatuko kideek; Herrialdeko lan hitzarmen bat lortu eta berau blindatzea; hau da, langileen eskubideak bermatuko dituen lan hitzarmena lortzea. Horretarako, enpresa eta lantegi guztietan borroka piztea dute helburu, adierazi dutenez enpresa txikietatik hasi beharreko borroka delako, gero borroka bera herrialde mailara zabaltzeko.
Herrirako atxilotuekin bat egin dute
Hori ez da dena izan baina, Herrirako atxilotuei ere elkartasuna adierazi nahi izan diete, eta aurreratu dute egubakoitzerako eskualdeko enpresa eta herri bakoitzeko udaletxe aurrean, eguerdiko 12:00etan kontzentrazioak egingo dituztela.