Jardunaldia doakoa da eta Kutxa Arrasate Aretoan izango da (Arrasate kalea 12), datorren egubakoitzean, 09:00etatik 14:00etara.
Jardunaldiaren helburua da tokiko garapen ekonomikoa gaiaren inguruko eztabaida sustatzea bertako eta nazioarteko adituen eskutik. Jardunaldian ondoko gai hauek landuko dira: tokiko garapen ekonomikoaren erronkak Euskal Herrian, mundu mailako arazoak, udal mailako irtenbideak, tokiko garapen ekonomikoaren eragileak, tokiko berrikuntza eta garapen sareak, finantzaketa tokiko garapen ekonomikoaren eragile gisa eta abar.
Hauexek dira jardunaldian parte hartuko duten hizlariak: Eñaut Apaolaza (EKAI Center), Richard Elelman (CTM Fundazioa), Inmaculada Periañez (Agencia Andaluza del Conocimiento), Robert Ravelli (Contemporary Solutions), Iwona Sagan (Gdansk unibertsitatea, Polonia) eta Adrián Zelaia (EKAI Center).