Pirinioetako Enduro Kopan, gurekoak podiumera

CDR Lizarralde Kirolak taldeko txirrindulariak Pirinioetan izan dira asteburuan, Midi Pyreneesetako Enduro VTT Kopako hirugarren proba puntuagarrian. Hautacam-en egin zuten proba bi egunekoa izan zen, eta tartean zortzi tarte kronometratu izan zituzten. Hala, gurekoak aurrealdean ibili ziren; Aretxabaletako Markel Uriarte, esaterako, podiumera igo zen senior mailan. Eta, gauza bera egin zuten Aramaioko Julen Axpek eta Beñat Burgik, junior mailan bigarren eta hirugarren sailkatuta. 

CDR Lizarralde taldeko ziklista koadrila enduroan dabil buru-belarri, eta ondo, gainera. Frantziako Pirinioetan egindako proban txukun jardun zuten asteburuan. Aramaioko Julen Axpek 53. postuan amaitu zuen lasterketa, baina junior mailan bigarren geratu zen, podiumera igota –tramu kromometratuetan 01:04:34 denbora egin zuen, eta irabazlearengandik 14:47ra geratu zen. Beñat Burgi aramaioarra 93. postuan sailkatu zen (01:13:34), irabazlearengandik 23:13ra eta junior mailan hirugarren izan zen, eta hura ere podiumera igo zen.
Markel Uriarte aretxabaltarra hamargarren izan zen senior mailan (55:33) lehenarengandik 5:46ra. Baina, VTT Kopa barruan lasterketa bakarra geratzen denean Uriarte sailkapen orokorreko hirugarren postuan dago, eta hura ere podiumera igo zen. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.