Bi kamioien arteko istripua gertatu da Bergara eta Antzuola artean eta momentu honetan[14:37] errepideak itxita jarraitzen du

Jagoba Domingo 2013ko ira. 10a, 16:39

Bi kamioik Bergara eta Antzuola arteko GI-632 errepidean talka egin dute parez pare 12:20ean. Istripua Bergarako sarreratik gertu dagoen bihurgune batean gertatu da, dirudienez Antzuolatik zetorren kamioia bihurgunetik irten da eta parez pare Bergaratik zetorrenarekin egin du talka. Istripua gertatu den tokira, anbulantzia eta Ertzaintza hurbiltzeaz gain, suhiltzaileak ere hurbildu behar izan dira laguntzeko.

Bi gidariak zauriturik daude, hala ere, Ertzaintzak esan duenaren arabera ez daude egoera larrian. Momentu honetan biak Arrasateko ospitalean daude.

Trafikoa bi ordu luzez etenda egon da, eta ordu biak inguruan Antzuolatik Bergarara norabidea minutu batzuez zabaldu dute. Momentu honetan ordea, berriz ere itxi dute trafikoa, garabiak kamioiak kendu eta errepidea guztiz garbitu bitartean.

Esan bezala, auto ilara luzeak egon dira errepidea garbitu eta zaurituak ospitalera eraman bitartean. Momentu honetan baina, egoera hobea izan arren Bergara eta Antzuola arteko trafikoak moztuta jarraitzen du.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak