Jon Ander Garitano, Juantxo Aranes eta Jesus Mari Iglesias bergararrek eta Gorka Manso antzuolarrak Intermon Oxfam Gobernuz Kanpoko Erakundearen Trailwalker lasterketan hartu nahi dute parte, Gironan, 2014ko apirilean.
100 kilometroko lasterketa da, baina ez da distantzia bertan egoteko zailtasun bakarra. Izan ere, Intermonek pobreziari aurre egiteko 400 egitasmo ditu munduko 40 herrialdetan, eta horietara bideratuko diren 1.500 euro lortu beharko ditu lauko talde bakoitzak lasterketan parte hartu ahal izateko.
Diru hori batzeko kamisetak jarri dituzte salgai Deportivo tabernan, eta zozketarako txartelak ere jarriko dituzte laster.
Munduan zehar gisako beste 15 lasterketa ere egiten ditu Intermonek, eta denera 70 milioi euro dituzte pobreziaren aurkako borrokara bideratuak 1981ean lehenengoa egin zenetik.