Txernobilgo haurrak etxera itzuli dira

Egun gogorra izan zen atzokoa. Bi hilabetez etxean eduki ostean, atzo bueltatu baitziren Ukrainiara, gure artean izan ditugu Txernobilgo 272 ume. Familiek malko artean agurtu zituzten Loiuko aireportuan eta ume ugarik hurrengo urtean ere etorriko direla zin egin zuten.

Txernobilgo hondamendia gertatu zenetik urtero etorri dira gure artera, eta aurten, zortzi haur etorri dira bailarara; hiru Aramaiora, hiru Aretxabaletara, bat Arrasatera eta beste bat Bergarara.

Goraino betea eroan duten maleta batez gain, ziur oroitzapen ahaztezin ugarirekin ere bueltatu direla etxera. Igerilekua, lagunak, klima… baina guztiaren gainetik ingurugiro osasuntsu bat. Txernobilgo zentral nuklearraren eztandak hirigune osoa kutsatu zuen eta kanpoan igarotzen dituzten bi hilabete hauetan gazteen osasuna dezente hobetzen da.

Atzoko agurraren ostean, familia zein umeei, hurrengo ekainera arte itxarotea baino ez zaie geratzen. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.