Erkidegoan erregulazioko espedienteak %7 ugaritu ziren uztailean

Enplegu eta Gizarte Politiketako Sailak enplegu-erregulazioko 193 espediente baimendu zituen uztailean. 2010eko urritik erkidegoan lan-erregulazio espedienteen kopurua nabarmen hazi den bitartean, gure eskualdean Gipuzkoako espedienteen %8a besterik ez dira jaso.

Uztailean baimendutako espediente guztietatik, 135 aurreko baten jarraipena izan dira, eta 5.127 langileri eragin diete. Egun, 25.131 langileri eragiten dieten 1.729 espediente daude indarrean; espediente horietatik 994 (% 57) aurreko beste baten jarraipena dira. Sektoreka, lan-erregulazio espedienteen kopurua bere horretan mantendu da nekazaritzan eta eraikuntzan, jaitsi egin da industrian eta pixka bat igo da zerbitzuetan. Akordioen ehunekoa handia da oraindik, % 90 ingurukoa.

Aipatzekoa da, zorionez gure eskualdean zenbait espediente egon diren arren, Tolosaldea eta Goierrirekin batera, Debagoiena espediente gutxien jaso diren eskualdea dela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.