Trafiko zuzendaritzak errepidean "adi ibiltzeko" eskatu du

Abuztuaren erdialdea mugimendu handiko garaia izaten da errepideetan. Alde batetik oporretarako irteera eta itzulera operazioak batzen direlako, eta bestetik herri asko eta askotan festak direnez joan etorri laburrak nabarmen areagotzen direlako. Horregatik trafiko zuzendaritzak "adi eta zentzuz jokatzeko" eskaera egin du.

Zorionez gure bailarako errepideetan ez da arazorik egon eta zirkulazio egun arrunt baten antzekoa izan da. Sare nagusian aldiz, arratsalde partean, Biriatuko pasagunean zenbait auto ilara sortu dira, baina dagoeneko puntu horretan ere normaltasuna da nagusi.

Gurean gaur izan dugun normaltasun hori mantentzeko, eta Aretxabaletako jaien egun handia ospatzen dihardutela kontuan izanda, trafiko zuzendaritzatik garraio publikoa erabiltzeko gomendioa eman dute. Festak gozatzeaz gain, errepidean zentzuz jokatzeko aholkua zabaldu nahi izan dute trafikoko arduradunek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.