Domekan, 22:00etan bukatuko da udako oporraldien lehen epea, Eusko Jaurlaritzak zehaztutakoa. Beste bi halako ere izango dira datozen egunotan: abuztuaren 11ko 14:00etatik abuztuaren 12ko 22:00ak arte; eta azkena, abuztuaren 15eko 14:00etatik 22:00etara.
Hala ere, gure ibarreko herrietan oraindik mugimendu handia dago, bai errepideetan, baita kalean ere. Bergaran, esaterako, Santa Marinako aparkalekuan leku gutxi batzuk aurkitu ditugu libre goizeko lehen orduan. Eta Arrasaten ere antzerakoa da kaleak erakusten duen argazkia (segidan).
Krisiaren eragina
Horren arrazoia da gero eta zatikatuago ateratzen garala oporretara. Batzuek, esaterako, lanegunak dituzte abuztuko lehen egun hauek. Horrez gainera, krisiak ere zeresan handia du oporretarako ohituretan; batzuek, adibidez, egun gutxiago eman ahalko dituzte etxetik kanpo. Beste batzuek, berriz, ez dute irteteko aukerarik izango.