Apiril eta ekain artean 9.800 langabek lana topatu dute. Beraz, 154.900 langabe dago gaur egun Euskadin, % 15,46ko tasa.
Espainian ere behera egin du langabeziak. Urteko bigarren hiruhilekoan, 225.200 langabe gutxiago erregistratu ziren, eta 6.000.000 langabe baino gutxiago daude dagoeneko.
Nafarroak % 18,32ko langabezia tasa dauka.
2012ko uztailean, Euskadin 151.100 langabe zenbatu zituen EPAk (% 14,56); beraz, azken 12 hilabeteetan gora egin du langabeziak: 3.800 langabe gehiago, % 2,51 gehiago.
Gazte gutxiago lanik gabe
Espainiari dagokionez, EPAko gaurko datuak 5.977.500 langabe ematen ditu. Populazio aktiboaren % 26,26 dago langabezian, urteko lehen hiruhilean baino 0,9 puntu gutxiago.
Apiril eta ekain artean, 149.000 pertsonak lana topatu zuten; beraz, 16.783.800 langile dago gaur egun Espainian ( % 59,54).
INEren arabera, azken bost urteotako jaitsiera handiena izan du langabezia datuak. Gazteen langabezia datua ere gero eta hobea da: 27.100 gazte langabe gutxiago dago urteko bigarren hiruhilekoaren bukaeran, eta % 57,22tik % 56,13ra jaitsi da gazteen langabezia tasa.
Familia gutxiagok dituzte ere kide guztiak langabezian: 1.821.100 dira orain, aurreko hiruhilekoan baino 84.900 gutxiago (- % 4,4)