Asier Altuna 'Kixi' zinegile bergararraren azken lana Donostiako Zinemaldira

Goizean aurkeztu dituzte Madrilgo Zine Akademian Donostiako Zinemaldiaren 61. edizioan parte hartuko duten Espainiako eta Euskal Herriko lanak, eta tartean dago Bergarako Asier Altunaren azken film laburra: 'Zela trovke' ('Belarra mozten'). Zabaltegi sailean erakutsiko du. Moritat bati buruzko dokumentala da 'Zela trovke', hau da, krimen baten istorioa kontatzen duen abesti eslovakiar zahar bati buruzkoa.


Uztailean Holandan aurkeztu zuten bergararraren azken lana; grabatu zen toki berean erakutsi zuten, gonbidatu bereziz betetako aretoan: Eslovakiak Holandan duen enbaxadorea eta Holland Baroque Society taldeko partaide guztiak zeuden, tartean. Harrera beroa egin zioten lanari.

Asier Altunak (Bergara, 1969ko maiatzak 4) 2005ean grabatu zuen bere lehendabiziko film luzea (Aupa Etxebeste!), Telmo Esnalekin batera.

Bere lanak: 

Donostiako Zinemaldian parte hartzen duen laugarren aldia izango da hau: bitan izan da, zuzendari moduan (Bertsolari eta Aupa Etxebeste!); eta behin, gidoigile moduan (Urteberri on, Amona!).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.