Deskontu kanpaina hori astelehenean, hilak 22, hasi zen Emaus taldearen hainbat dendatan. "Doikuntza eta murrizketa kanpaina" deitu diote, bi hitz horiei "beste enfoke bat" eman nahi izan dietelako: "Zama eta gabezia gehien dituztenek arnas pixka bat har dezaten".
Deskontu hori lortzeko, familia ugariko kide dela edo langabezian dagoela egiaztatzen duen dokumentua aurkeztu beharko du norberak Emaus dendetan, eta "dagoeneko ohi baino merkeagoak diren prezioak beste % 20 txikituko dira", esaten dute arduradunek. Dagoeneko beherapena duten artikuluei ez zaie % 20ko deskontu hori aplikatuko.
Gipuzkoan, Arrasateko dendan (Nafarroa etorbidea) emango dute deskontua, eta baita Irungo Auzolan Kaleko eta Donostiako Ehun Urteurreneko Plazako dendetan ere. Asturiasko bi dendak ere bat egin dute kanpainarekin: Xixongo Llano etorbideko dendak eta Avileseko Lugo etorbidekoak.