Istripua izan da Antzuolara bidean eta auto-gidaria larri zaurituta eraman dute Donostiako ospitalera

18:30ak baino zertxobait lehenago gertatu da istripua Bergara eta Antzuola bitartean, Matz Errekara heldu aurretik. Auto batek eta kamioi batek talka egin dute eta ,ondorioz, auto-gidaria –48 urteko gizonezkoa- larri zauritu da eta Donostiako ospitalera eraman dute, Ertzaintzaren arabera. Itxura denez, autoa kamioi azpira sartu da. Auto-gidaria harrapatuta gelditu da eta suhiltzaileek atera behar izan dute. Istripuaren eraginez, auto ilara luzeak sortu dira, bi noranzkoetan.